Përfitimet shëndetësore dhe vlerat ushqyese të spinaqit

Spinaqi është një superushqim. Ka aq shumë lëndë uahqyese në një paketë me pak kalori. Zarzavatet me gjethe të errëta, si spinaqi, janë të rëndësishme për shëndetin e lëkurës, flokëve dhe kockave. Ato gjithashtu sigurojnë proteina, hekur, vitamina dhe minerale.

Përfitimet e mundshme shëndetësore të konsumimit të spinaqit përfshijnë përmirësimin e kontrollit të glukozës në gjak tek njerëzit me diabet, uljen e rrezikut të kancerit dhe përmirësimin e shëndetit të kockave.

Spinaqi është i mbushur me luteinë, e cila përbën një pjesë të madhe të pigmentit të syve. Si antioksidues ka veprim të fortë mbrojtës në makulë. Megjithatë, me kalimin e viteve reduktohet sasia e luteinës në molekulë dhe për këtë arsye spinaqi mund të jetë i një dobie të madhe për mbrojtje të shikimit. Ai është, gjithashtu, i pasur me vitaminë A, që e bën të dobishëm nëse keni shikim të dobët. Pirja e lëngut të spinaqit dy herë në ditë mund të ndihmojë në zgjidhjen e atij problemi.

Mungesa e hekurit në dietë mund të ndikojë në efektivitetin e përdorimit të energjisë trupore. Spinaqi është një burim i shkëlqyeshëm i hekurit. Sigurohuni që të kombinoni ushqime të pasura me vitaminë C, siç janë frutat agrume, me hekurin bimor si spinaqin për të qënë sa më të shëndetshëm.