Dita e Europës, zbuloni çfarë përfaqëson flamuri i BE-së

Sot është Dita e Europës, dita kur përkujtohet paqja dhe bashkimi në kontinentin e vjetër. 9 Maji shënon përvjetorin e deklaratës historike të Schumanit.

Në një fjalim në Paris në vitin 1950, ministri i Jashtëm i Francës, Robert Schuman shpalosi idenë për një formë të re të bashkëpunimit politik në Evropë.

Vizion i tij ishte krijimi i një institucioni evropian që do të grumbullonte dhe menaxhonte prodhimin e qymyrit dhe çelikut. Traktati për krijimin e një organi të tillë u nënshkrua vetëm një vit më vonë.

Propozimi i Schumanit konsiderohet të jetë fillimi i asaj që tani është Bashkimi Evropian. Për të festuar Ditën e Evropës, institucionet e BE-së hapin dyert e tyre për publikun më 2 maj në Strasburg dhe më 9 maj në Bruksel dhe Luksemburg.

Por, a e dini se çfarë përfaqëson flamuri i BE-së?

12 yjet e tij përfaqësojnë idealet e Bashkimit, solidaritetit dhe harmonisë mes popujve të Europës.

Rrethi simbolizon bashkimin.

Një flamur, një drejtim- Të gjithë yjet janë drejt, kanë pesë cepa dhe janë vendosur në largësi të barabartë, si pozicionet e orës në sipërfaqen e orës.