Fjalë të urta që lidhen me veprimtari të ndryshme

ATDHEU

• Ai që lë arën e vet, nget arën e huaj. Korçë
• Guri i rëndë në vend të vet. Përmet
• Shqiponja fluturon në qiell, po folenë e bën në tokë. Labëri

BESA

• Ai që s’tutet me fjalë, s’tutet as me pushkë. Kosovë
• Burri o të mbyt, o të fal; i ligu as të mbyt, as të fal. Shkodër
• I madh është edhe plepi, por e fëlliqin sorrat. Tiranë

DITURIA

• Mësoji fëmijës rrugën që duhet të ndjekë, dhe ai nuk do të largohet prej saj edhe kur të plaket. Fjalët e Urta 22:6

• Biri im, ruaje urdhërimin e atit tënd dhe mos harro mësimet e nënës sate. Fjalët e Urta 6:20
• Hidhëroju dikujt aq sa ka dituri. Preshevë

DREJTËSIA

• -Ai që e ka trupin e drejtë, nuk ka frikë se i del hija e shtrembër. Jug
• -Edhe kopsht i mbretit të jetë, një gjemb brenda do ta ketë. Jug
• -Faji është jetim, s’i ka dalë zot njeri. Elbasan

MATURIA

-Njeriu i matur e shikon të keqen dhe fshihet; por njerëzit naivë shkojnë tutje dhe dënohen. Fjalët e Urta 22:3

• -Në shtëpinë e të urtit ka një thesar të çmuar dhe vaj, por njeriu budalla i bën të gjitha rrush e kumbulla. Fjalët e Urta 21:20
• -As copën e madhe mos e ha pa u menduar. Krujë

PUNA

• Ai që përton sot, pendohet mot. Vlorë
• Fjala pa punë, si peshku pa lumë. Gjirokastër
• Kush s’punon, dheut i rëndon. Jug

THJESHTËSIA

• Daullja bie për ata që kanë veshë. Përmet
• Uthulla e fortë plas gurin. Tiranë
• Nga ferra e vogël del lepuri i madh. Jug

Piktor: Demush Avdimetaj