Shqipëria, pjesë e ekspozitës shëtitëse të autobusëve elektrikë në Sofje

Më 20 prill në Sofje të Bullgarisë do të mbahet një ekspozitë e veçantë, ku këtë herë do të ketë edhe motive shqiptare.

Vendi ynë do të përfaqësohet me motive popullore në ekspozitën shëtitëse të autobusëve elektrikë “Art 4 Diplomacy”.

Kjo bëhet e ditur nëpërmjet një njoftimi në Facebook nga Ambasada shqiptare në Sofje, ku ndër të tjera theksohet se: “kjo formë ndryshe ekspozite organizohet me rastin e 80-vjetorit të fillimit të funksionimit të autobusit të parë elektrik në Sofje”.

Pjesë e kësaj ekspozite kolektive do të jenë 21 motive të ndryshme popullore nga 21 vende. Presim të shohim sa mahnitëse do të duket Shqipëria para syve të popullit të Bullgarisë.