Bukuria shqiptare 2023 mban emrin e Endi Demnerit!

Bukuroshja Endi Demneri do të përfaqësojë Shqipërinë në Miss Universe, kompeticionin më të madh të bukurisë që këtë vit do zhvillohet në El Salvador.

Shoqëruesja e dytë e Miss-it u shpall Desanka Dajçi dhe shoqëruesja e parë Almina Rey.
Gjatë netëve që u mbajt spektakli, Endi prezantoi dhe disa veshje tradicionale shqiptare të cilat i gjeni më poshtë edhe me përshkimin përkatës:

Këmisha e mëndafshtë 150 vjeçare e Shqiperisë së Mesme, qendisur me fije ari.
Jeleku i kadifejte 150 vjeçar, qendisur me fije ari e stolisur me inxhi.
Hajmalia e argjendtë 200 vjeçare shkodrane, me filigramë argjendi dhe larje floriri.

Shalli i mëndafshtë i Zadrimës, kësula me stringlat e argjendta të Mirditës në kokë, bizhuteria e qafës prej argjendi nga zona e Cermenikës, si edhe kemisha prej mëndafshi e qëndisur me fije ari e Shqipërisë së Mesme.

Shall i mëndafshtë, qëndisur me fije argjendi i zonës së Elbasanit

Kapelja e Mirditës, e stolisur me monedha të arta. Këmisha dhe jeleku i zonës së Kukësit, i qëndisur me gajtan dhe byrzylyku i bronxtë me gurë xhami, i punuar në mënyrë artizanale

Shami e qëndisur me fill të artë nga zona e Krujëse varësja Zadrimore me filigram argjendi dhe e larë në ar

Jeleku i Elbasanit me qëndisje ari e argjendi dhe i stolisur me inxhi dhe kurora e zonës së Çermenikës

Stoli e zonës së Rrajcës e punuar me argjend që mbaj rreth qafës, ishte një dashuri me shikim të parë për mua. Fishekliu vëth i punuar me filigram argjendi, si edhe kapelja prej stofi e qëndisur me fije ari i zonës së Gjirokastrës.

Juria shpalli edhe Miss Universe Kosova, kurorë e cila iu vendos bukuroshes Arbesa Rrahmani, që do të përfaqësojë gjithashtu Kosovën në këtë kompeticion.

Finalja e Miss Universe nuk ishte vetëm një garë, por edhe një mbrëmje, ku vajzat pjesëmarrëse sfiluan nën tingujt e muzikës së interpretuar nga këngëtarët më në zë të momentit si Soni Malaj, Elgit Doda, Erik Lloshi etj.

Mbrëmja gala zgjati përreth 4 orë në Pallatin e Kongreseve, në moderimin e Teni Vllaçajt dhe Eriona Sejdiut.

Spektakli i madh ishte finalizimi i një rrugëtimi tre mujor, ndërkohë që mezor presim që të shohim rrugëtimin e Endi Demnerit drejt Miss Universe.